Arzúa cidadán

Asociación EFA Piñeiral

Dende o seu nacemento asumiu como principal finalidade "a promoción do medio rural a través da formación das persoas", de xeito que se puidera beneficiar tanto a xente nova e as súas familias como os demais integrantes deste medio.

Para a formación da xente nova, a asociación promoveu o Centro de Formación Profesional EFA Piñeiral.

O resto de actividades que promove a asociación van dirixidas á xente que xa rematou os seus estudos. Destas actividades e proxectos benefícianse os membros da Sección Xuvenil e os demais socios, asi como outras persoas alleas a asociación pero que se identifican cos fins desta.

Está constituída por aquelas persoas que desexen contribuír ao cumprimento da súa finalidade. A meirande parte dos seus compoñentes son:

• pais e nais de alumnos/as
• antigos alumnos e antigas alumnas
• profesionais da zona (sectores agrario, industrial e de servizos).

De xeito democrático, a asociación elixe os seus representantes na súa Asemblea Xeral. Os compoñentes electos forman o Comité Xestor, que asume a representación legal, xurídica e financeira da asociación.