Na Galipedia, a wikipedia en galego.

Cruceiro de pedra de recente construción (1986) e propiedade pública. Está formado por dous chanzos circulares e basa circular. O fuste é de sección cadrangular con chafráns; o capitel ten forma troncopiramidal invertida e moldurado; a cruz é latina simple cun Cristo de tres cravos e un cartel de INRI no anverso. Ten unha placa que di: "Este crucero fue construído el 26 - 4 - 86. San Cristobal de Dombodán" e está situado a poucos metros da igrexa de San Cristovo de Dombodán.